【老广Vivi】五羊邨又一家餐饮店倒闭了

今日行过五羊邨，突然发现之前试过的「九叔荔枝烧鹅」竟然贴埋“结束营业”嘅告示！讲真，有啲意外但又觉得情理之中——毕竟呢间店，真系“食完一次就唔会有第二次”嘅典型～

记得第一次入去，系冲住“荔枝烧鹅”呢个噱头！结果上枱试咗下，只能讲“不过不失”：烧鹅皮算脆，但肉有啲柴，所谓嘅“荔枝味”完全唔突出，同普通烧鹅差唔多，甚至仲唔够街边老字号入味。

最劝退嘅系选择太少！整间店菜单薄到得几张纸，除咗烧鹅，其他配菜只有青菜、例汤、白饭，想拣多样啲都冇得拣。两个人食，点咗半只烧鹅+一份青菜，人均都要六七十，性价比真系一般般。

当时食完就同朋友讲：“呢间店估计难撑得耐”，估唔到今日就应验了… 其实广州街坊食嘢最识货，味道普通、选择单一，又冇咩记忆点，点可能留住客？
|九叔荔枝烧鹅(五羊邨店)^