纯粹觉得好食，推荐俾大家。一间赤岗开咗好多年嘅老字号，冇花哩胡哨嘅网红包装，但晚市基本都可以坐满，大部分都系附近嘅街坊帮衬，靠嘅就系口碑同味道。 我好欣赏佢嘅广州炒饭，用嘅係专门炒饭嘅米，细长粒，粒粒分明，唔粘，口感好好，绝对唔係隔夜饭来炒果种。 啫啫煲都好入味，比如咸鱼粒啫菜花，仲会落少少咸鱼粒提香 鲮鱼滑浸西洋菜都好惊喜老广的暖胃汤就在这了！非常鲜甜，屋企都好难整出呢种味！ 至尊黑叉烧，简直系小朋友追爱，入口即融！焦糖的口感好绝！ 另外，时香一品煲、渔家炒吊桶、白切靓鸡项、桂花鱼呢几味今次去食都觉得好正，完全唔踩雷。 环境重新装修过，灯光舒服，服务员都系亲切嘅阿姐，态度好好。 今次我哋 8个人吃左五百几。后来先知佢都有团购，团购会更抵，不过自己点就可以拣心水菜式，团购就系固定搭配，各有各好咯。 📍时香酒家 🚇赤岗站C1出口之后，要走十五分钟左右。 🚗开车就可以停附近小区或者南方歌舞团前嘅停车场。 而家好多店都净系识搞营销、搞打卡，反而呢种踏踏实实、用心做菜嘅老字号，值得被更多人知道。 钟意食传统粤菜、家常味嘅朋友，可以试试。